80 sukarelawan LILA minambakas Taman Jersey Park Pohon Batu

Di JAINUDDIN DJIMIN
 

LABUAN: Kiginumu 80 sukarelawan Koisaan Insuran Antarabangsa Labuan (LILA) minumpazat abaabazan Pambakasan Tisan Daat om Taman Jersey Park i poimbihiu id Kamung Pohon Batu, di kavavagu diti.

Pongozuvan abaabazan Koisaan Insuran Antarabangsa Labuan (LILA) miampai pisokodungan Kotinanan Labuan om Komuniti Pohon Batu vookon suvai kiangkab montok mongintong kogingahan id uvang dino i adadi iso vinakas pamagazat tutumombuhui i tomoimo abaakas om ogingo.
 

Potunud Boogizan Koupisan Sosial om Ikonomi (JSE) Kotinanan Labuan, Dato’ Osman Che Jusoh i pinopoimagon abaabazan dino minamason kotohuadan kumaa boogizan mangazu, sukarelawan om tinimungan posoihi i kivaa tonggungan miampai mintamong om momogompi kopotutan ginumuan.
 

“Abaabazan mambakas taman om daat di naazu diti okon nopo mongintong kogingahan om kabakasan tampat ngaavi kagazat tutumombuhui do tomoimo abaabazan om ogingia nogi ogompi mantad saviavi kantakan vandalisme om kozomutan sandad,” ka disido.

Suvai ko mitabang mambakasa uvang dino monongkibai nga sinuungan miampai abaabazan Zumba i hinuguan di Zen Pinky.

Naamot dino, Ponikoon Mangazu abaabazan, Erich Nicholas minoboos, pambakasan tisan om Taman Jersey Park Pohon Batu nopo nga iso mantad abaabazan tonggungan social korporat (CSR) i koiso tinoodo toun diti.

View All News